Home > ຂັ້ນຕອນດຳເນີນການຈ້າງງານ > ການເຊັນສັນຍາແຮງງານມາດຕະຖານ
ການເຊັນສັນຍາແຮງງານມາດຕະຖານ
ສັນຍາແຮງງານມາດຕະຖານ
- ສັນຍາແຮງງານມາດຕະຖານຈະຖືກຮັບຮອງເອົາໃນເມື່ອຜູ້ຈ້າງງານ ແລະ ຄົນງານຕ່າງດ້າວໄດ້ເຊັນສັນຍາແຮງງານ
- ເນື້ອໃນຂອງສັນຍາແຮງງານ
- - ໄລຍະເວລາຂອງສັນຍາແຮງງານ
- - ສະຖານທີ່ຂອງບ່ອນເຮັດວຽກ, ລາຍລະອຽດຂອງວຽກ
- - ເວລາເຮັດວຽກ, ເວລາພັກຜ່ອນ ແລະ ວັນພັກ
- - ອົງປະກອບຂອງຄ່າແຮງງານ, ຈ່າຍແບບໃດ ແລະ ຈ່າຍເມື່ອໃດ
- - ບັນຫາອື່ນໆທີ່ກ່ຽວຂ້ອງກັບເງື່ອນໄຂຂອງການເຮັດວຽກ ທີ່ຈຳເປັນຕ້ອງໄດ້ກຳນົດກ່ອນລະຫວ່າງຜູ້ຈ້າງງານກັບຄົນງານຕ່າງດ້າວ
- ການທົດລອງງານສາມາດປະຕິບັດໄດ້ສູງສຸດ 3 ເດືອນ ແລະ ໄລຍະເວລາດັ່ງກ່າວແມ່ນຄິດໄລ່ຈາກມື້ເລີ່ມຕົ້ນຂອງການເຮັດວຽກຕົວຈິງ. 10% ຂອງຄ່າແຮງງານຕ່ໍ່າສຸດ ຫລື ຫລາຍກວ່ານັ້ນຈະຖືກຫັກ ແລ້ວຈະເອົາໄປຈ່າຍໃຫ້ຄົນງານຕ່າງດ້າວທີ່ຢູ່ໃນຊ່ວງທົດລອງງານ
- ສັນຍາແຮງງານຈະຖືກບັງຄັບໃຊ້ໃນມື້ທີ່ຄົນງານຕ່າງດ້າວເຂົ້າ ສ. ເກົາຫລີ
ຈະເຊັນສັນຍາແຮງງານແນວໃດ
- ເມື່ອຄົນງານຕ່າງດ້າວຜູ້ໃດໜຶ່ງຖືກຜູ້ຈ້າງງານເລືອກເອົາແລ້ວ, HRD ຂອງເກົາຫລີຈະສົ່ງສັນຍາແຮງງານມາດຖານໄປໃຫ້ຫ້ອງການໜ່ວຍງານຈັດສົ່ງໃນ ສປປ ລາວ
- ຫ້ອງການໜ່ວຍງານຈັດສົ່ງ HRD ຂອງເກົາຫລີໃນ ສປປ ລາວ ຈະແຈ້ງເນື້ອໃນຂອງສັນຍາແຮງງານຕໍ່ຜູ້ທີ່ສົນໃຈສະໝັກງານ ແລະ ລາຍງານກ່ຽວຈຸດປະສົງຂອງຜູ້ສະໝັກງານຕໍ່ HRD ຂອງເກົາຫລີ
ແຈ້ງການໃນການສັນຍາແຮງງານ
- ຖ້າສັນຍາແຮງງານຖືກຍົກເລີກດ້ວຍເຫດຜົນຂອງຄົນງານຕ່າງດ້າວເອງ, ຜູ້ກ່ຽວຈະຖືກຫ້າມບໍ່ໃຫ້ສະໝັກງານເປັນເວລາ 1 ປີ
- ຖ້າຄົນງານຕ່າງດ້າວບໍ່ພໍໃຈກັບເນື້ອໃນສັນຍາແຮງງານ, ຜູ້ສະໝັກງານສາມາດປະຕິເສດໃນການເຊັນສັນຍາໄດ້ 1 ຄັ້ງ, ແຕ່ຖ້າປະຕິເສດ 2 ຄັ້ງ ຜູ້ສະໝັກງານດັ່ງກ່າວຈະຖືກຫ້າມບໍ່ໃຫ້ສະໝັກງານເປັນເວລາ 1 ປີ